މާކުރަތު ކައުންސިލް އިދާރާ
06 މެއި 2017 ގައި ބޭއްވި ލޯކަލް ކައުންސިލް އިންތިޚާބުގައި ރ.މާކުރަތު ކައުންސިލަށް އިންތިޚާބުވި ކައުންސިލަރުން 03 ޖޫން 2017 ވީ ހޮނިހިރު ދުވަހު ހެނދުނު 10:30 ގައި މަޤާމުގެ ހުވައި ކުރައްވައިފިއެވެ. މަޤާމާ އަލަށް ހަވާލުވެލެއްވި ކައުންސިލަރުންނަށް ހުވައިލައި ދެއްވީ މާކުރަތު މެޖިސްޓްރޭޓް ކޯޓްގެ އިސް މެޖިސްޓްރޭޓް އަލްއުޘްތާޒް އަދުނާން ހުސައިން އެވެ. ހުވާކުރެއްވުމުގެ ރަސްމިއްޔާތު ބޭއްވިގެން ދިޔައީ ރ.މާކުރަތު ޒުވާނުންގެ މަރުކަޒުގައެވެ. މި ރަސްމިއްޔާތަށް ދަޢުރު ފުރިހަމަ ކުރެއްވި ކައުންސިލަރުންނާއި މާކުރަތު ކައުންސިލް އިދާރާގެ މުވައްޒަފުންނާއި މާކުރަތުގެ ސަރުކާރު މުޢައްސަސާތަކުގެ މުވައްޒަފުންނާއި ރައްޔިތުން ބައިވެރިވެ ލެއްވިއެވެ. ހުވާކުރެއްވުމުގެ ރަސްމިއްޔާތު ނިމިގެން ދިޔައީ ޤައުމީ ސަލާމުންނެވެ.
ކައުންސިލްގެ 3 ވަނަ ދައުރުގެ ހުވާކުރެއްވުމުގެ ރަސްމިއްޔާތަށްފަހު މެންދުރު 30؛13 ގައި މި ދައުރުގެ ފުރަތަމަ ޖަލްސާ ބޭއްވިގެން ދިޔައެވެ. މި ޖަލްސާގައި ކައުންސިލްގެ ރައީސް، ނައިބް ރައީސް އިންތިޚާބު ކުރުން ކުރިޔަށް ގެންދެވުނެވެ. ރ.މާކުރަތު ކައުންސިލްގެ 3 ވަނަ ދަޢުރުގެ ރައީސަކަށް އިންތިޚާބު ކުރެވުނީ ހަސަން ޢަލީ، ރީހުއްޞަބާ ރ.މާކުރަތު އަދި ނައިބް ރައީސް އަކަށް އިންތިޚާބު ކުރެވުނީ ހުސައިން އިމާދު، ފުލްމޫން ރ.މާކުރަތު އެވެ.
-މަޢުލޫމާތު- ރ.މާކުރަތު ކައުންސިލް