މާކުރަތު ކައުންސިލް އިދާރާ
ރަންދިހަ ފަހެއް ސީރީޒް ގެ އައު ނޫޓަށް އާންމުން ހޭލުންތެރި ކުރުމަށް އެމް.އެމް.އޭ އިން މުޅި ރާއްޖޭގައި ކުރިޔަށް ގެންދާ މަޢުލޫމާތު ދިނުމުގެ ސެޝަން 03 ޑިސެމްބަރ 2015 ވަނަ ދުވަހު ރ.މާކުރަތުގައި ވަނީ ކުރިޔަށް ގެންގޮސްފައެވެ. މި ހަރަކާތް ކުރިޔަށް ގެންދިޔައީ މާކުރަތު ކައުންސިލާއި އެމް.އެމް.އޭ ގުޅިގެން މާކުރަތު ސްކޫލް ހޯލްގައެވެ. މަޢުލޫމާތު ދިނުމުގެ ސެޝަންގައި ފައިސާގައި އަތްލާ އަމިއްލަޔަށް ތަޖުރިބާ ކޮއްލުމުގެ ފުރުޝަތު ލިބިގެން ދިޔައެވެ. އަދި ހަމަ މި އާއި އެކު ފައިސާ ގެންގުޅުމުގައި ސަމާލުކަން ދޭންވީ ކަންކަމާއިބެހޭ މަޢުލޫމާތު ދެއްވާ ފައިސާގެ ރައްކާތެރިކަމާއި ބެހޭގޮތުން މަޢުލޫމާތު ދެއްވި އެވެ. މި ސެޝަންގައި މަޢުލޫމާތު ދެއްވީ އެމް.އެމް.އޭ ގެ މިކަމަށް ޚާއްސަ ޓީމަކުންނެވެ.
ރަންދިހަ ފަހެއް ސީރީޒް ގެ ފައިސާ އާއި ބެހޭ މަޢުލޫމާތު ހޯއްދަވާ ފައިސާ ބަލާލލުމުގެ ފުރުސަތު މާކުރަތު ކައުންސިލްގެ އިދާރާއިން ލިބޭނެ ވާހަކަ މިފުރުސަތުފައި ފާހަގަ ކޮއްލަމެވެ. މި ފައިސާ މި ހިނގާ ޑިސެމްބަރ މަހުގެ ފަހުކޮޅު ދައުރު ކުރަންފަށާ ބޭނުންކުރަން އެމް.އެމް.އޭ އިންނާއި ބީ.އެމް.އެލް ގެ ކޮންމެ ބުރާންޗަކުން ލިބެންހުންނާނެ ކަމުގައި އެމް.އެމް.އޭ އިންނާއި ބީ.އެމް.އެލް އިން ވަނީ ދަންނަވާފައެވެ. ވިމާ ފައިސާ ދައުރުވާން ފެށުމުގެ ކުރިން ފައިސާ އާއި ބޭހެ މަޢުލޫމާތު ހޯއްދަވާ ރައްކާތެރި ކަމާއިއެކު ފައިސާ ގެ ބޭނުން ހިއްޕެވުމަށް ހަނދުމަފުޅުކޮށް އަރުވަމެވެ. -މާކުރަތު ކައުންސިލްގެ އިދާރާ-