މާކުރަތު ކައުންސިލް އިދާރާ
ރ.މާކުރަތު ކައުންސިލާއި ކީރިތި ޤުރުއާނާބެހޭ މަރުކަޒާ ގުޅިގެން މާކުރަތުގައި ޤާރީކޯސް ލެވެލް 1 2 އަދި 3 ފެށުމުގެ ތައްޔާރީތައްވާން ފަށައިފިއެވެ. މިކަމަށްޓަކައި މާކުރަތު ކައުންސިލާއި ކީރިތި ޤުރުއާނާބެހޭ މަރުކަޒާއި ދެމެދު 23 މާރޗް 2016 ވަނަ ދުވަހު ވަނީ އެއްބަސްވުމުގައި ސޮއި ކުރެވިފައެވެ. މިއީ މިފަދަ ކޯހެއް މާކުރަތު ކައުންސިލާއި ކީރިތި ޤުރުއާނާބެހޭ މަރުކަޒާ ގުޅިގެން ހިންގޭ 2 ވަނަ ފަހަރެވެ. މި އަހަރު އަލަށްފަށާ ޤާރީކޯސް 1 އަދި 2، 10 އޭޕްރީލް 2016 ގައި ފެށުމަށް ކައުންސިލުން ތައްޔާރުވަމުން އަންނަކަންފާހަގަ ކޮއްލަމެވެ. އަދި ޤާރީކޯސް ލެވަލް 3 ފެށުމަށް ހަމަޖެހިފައިވާ ތާރީޚް ވަނީ ފަސްކުރެވިފައެވެ.
މި ލެވަލްތަކުގެ ކޯސްތަކުގެ ކުލާހެއްގައި ބައިވެރިވުމުގެ ފުރުސަތު ލިބޭނީ 30 ބައިވެރިންނަށެވެ. އެގޮތުން ލެވަލް 1 ގައި 30 ބައިވެރިންގެ 2 ކުލާހަށް ފުރުސަތު ހުޅުވާލާއިރު ލެވަލް 2 ގެ 30 ބައިވެރިންގެ 1 ކުލާހަށް ފުރުސަތު ހުޅުވާލެވޭނެއެވެ. މި ކޯސްތަކުގެ މުއްދަތަކީ ޤާރީކޯސް ލެވަލް 1 ދެމަސް ދުވަސް އަދި ޤާރީކޯސް ލެވަލް 2 ހަތަރު މަސް ދުވަހަށް ހިންގާއިރު ކޯސްތަކަށް ބައިވެރިން ނެގުމުގައި ކޯހުގައި ބައިވެރިވުމުގެ ސަރުތުތަކަށްބަލައި ފުރަތަމަ ފޯމް ހުށައަޅާ ބައިވެރިންނަށް އިސްކަން ދެވޭނެއެވެ.