މާކުރަތު ކައުންސިލް އިދާރާ
މި ރަސްމިއްޔާތު ތަޢާރަފްކުރުމާއި ޝުކުރުދެންނެވުމުގެ ގޮތުން ވާހަކަފުޅު ދެއްކެވީ މާކުރަތު ކައުންސިލް އިދާރާގެ ޑިރެކްޓަރ އަލްފާޟިލް އަބްދުﷲ ނަޢީމް އެވެ. އަދި ވެބްސައިޓާއި ބެހޭ ގޮތުން މަޢުލޫމާތު ދެއްވާ، ކައުންސިލް އިދާރާގެ ފަރާތުން ވާހަކަފުޅު ދެއްކެވީ މާކުރަތު ކައުންސިލް އިދާރާގެ ރައީސް އަލްފާޟިލް އަޙްމަދު ޝިފާނު އެވެ.
މި ރަސްމިއްޔާތުގެ ސަރަފްވެރި މެހްމާނުގެ ވާހަކަފުޅުގައި އެކިޒަމާންތަކުގައި ޚިދުމަތް ހޯދުމަށާއި ޚިދުމަތް ލިބިގަތުމަށް ހުރި ދަތިތަކާއި ފަހުގެ ޓެކްނޮލޮޖީ ތަޢާރަފް ވެގެން އައުމާއި އެކު ލިބިގެން ދިޔަ ލުއިފަސޭހަ ކަމުގެ މައްޗަށް ބަލާލާ ވާހަކަފުޅު ދެއްކެވިއެވެ. އަދި ސަރުކާރުގެ އެކިއެކި މުޢައްސަސާތަކާއި އޮފީސް ތަކުން މިފަދަ ވެބްސައިޓްތައް ހަދާ އޭގެ ޚިދުމަތް ދެމުން ގެންދިއުމަކީ ރައްޔިތުންނަށް ފަސޭހަކާއިއެކު މަޢުލޫމާތާއި ޚިދުމަތް ހޯދުމަށް ހުޅުވާލެވޭ ފަހިމަގެއްގޮތުގައި ފާހަގަ ކޮށްލެއްވިއެވެ.