މާކުރަތު ކައުންސިލް އިދާރާ
ރ.އަތޮޅު ކައުންސިލުން ތިންތިޒާމް ކޮއްގެން 2016 އޭޕްރީލް 25 ހުން 27 ހަށް ކުރިޔަށް ގެންދިޔަ ކްލައިމެޓް ޗޭންޖް ވޯކްސޮޕްގައި މި ކައުންސިލްގެ ފަރާތުން ކައުންސިލްގެ ރައީސް އަލްފާޟިލް އަޙްމަދު ޝިފާން ވަނީ ބައެވެރިވެ ލައްވާފައެވެ. މި ވޯކްސޮޕަކީ މޫސުމަށް އަންނަ ބަދަލުތަކާގުޅިގެން ރާއްޖެ އަށް ކުރިަތިވަމުންދާ ތިމާވެށީގެ މައްސަލަތަކާއި މެދު މަސްވަރާކޮށް ހައްލު ހޯދޭނެގޮތްތަކާއި އެޅިދާނެ ފިޔަވަޅުތަކާއި ރައްރަށަށް ދިމާވާތިމާވެށީގެ މައްސަލަތައް ދެނެގަންނާނެގޮތުގެ ތަމްރީން ދިނުމަށް މުޅި ރ.އަތޮޅަށް ހުުވާލައިގެން ކުރިޔަށް ގެންދިޔަ ވޯކްސޮޕެކެވެ.
މި ވޯކްސޮޕްގައި ކިޔަވައިދެއްވާފައި ވަނީ ތިމާވެށީގެ ރޮނގުން ތަމްރީން ލިބިލައްވާފައިވާ ތަޖުރިބާކާރު ބޭފުޅުންނެވެ. ރ.އަތޮޅުގެ 15 ރަށުން ބައިވެރިން ބައިވެރިވެގެން ކުރިޔަށް ގެންދިޔަ މި ވޯކްސޮޕްގައި ކޮންމެ ރަށަކުންވެސް އެރަށަކަށް ދިމާވެފައިވާ ތިމާވެށީގެ ބޮޑެތި މައްސަލަތަކާއި ބެހޭގޮތުން މަޢުލޫމާތު ހިއްސާކޮށް އެ މައްސަލަތައް ހައްލުކުރުމަށް އެޅިދާނެ ފިޔަވަޅުތަކާމެދު ބައިވެރިންގެ މެދުގައި މަސްވަރާކޮށް ކަރުދާސްތަކެއް ހުށައެޅުނެވެ. އަދި މޫސުމަށް އަންނަ ބަދަލުގެ ސަބަބުން ރައްރަށަށް ތިމާވެށީގެ ގޮތުން ދިމާވާ ކަންކަން ދެނެގަންނާނެގޮތުގެ ތަމްރީނު ދިނުމާއި އަންނަ ބަދަލުތައް މޮނީޓަރ ކޮށް ރިޕޯޓް ތައްޔާރުކުރާނެ ގޮތުގެ ތަމްރީން ޕްރޮގްރާމްތައް ވަނީ ހިންގާފައެވެ.
މި ވޯކްސޮޕްގައި ބައިވެރިވި ބައިވެރިންގެ ބޭނުން ހިފައިގެން ރައްރަށަށް މޫސުމަށް އަންނަ ބަދަލުގެ ސަބަބުން ތިމާވެށީގެ ގޮތުން ދިމާވަމުންއަންނަ ގެއްލުންތައްބަލާ ކަމާބެހޭ ފަރާއްތަކަށް ރިޕޯޓްކުރުމާއި ރިޕޯޓްތައްޔާރުކުރުމާއި ހައްލު ހޯދުމަށް އެޅިދާނެ ފިޔަވަޅުތައް ދެނެގަނެވޭނެއެވެ.