މާކުރަތު ކައުންސިލް އިދާރާ
ރ.މާކުރަތު ކައުންސިލުން ދެމުންގެންދާ ޓްރާސްންޕޯޓް އޮތޯރިޓީގެ ޙިދުމަތްތައް އިތުރަށް ހަރުދަނާކޮށް ފުޅާކިރުމަށް ކުރަމުންގެންދާ މަސައްކަތުގެ ތެރެއިން އެކަމަށް ބޭނުންވާ އިތުރު ތަމްރީން ހޯދުމަށް މި އިދާރާގެ ޑިރެކްޓަރ އަލްފާޟިލް އަބްދުﷲ ނަޢީމް މި މަހުގެ 08 ކުން 12 މެއި 2016 އަށް ޓޮރާސްންޕޯޓް އޮތޯރިޓީގައި ހިންގާ ތަމްރީން ޕްރޮގްރާމްގައި ބައިވެރިވެ ލެއްވުމަށް ވަނީ މާލެ ވަޑަގެންފައެވެ.
މި ތަމްރީން ޕްރޮގްރާމަކީ ކަނޑުގައި ދުއްވާ އުޅަނދު ފަހަރުގެ ސަލާމަތީ ސެޓްފިކެޓް ހެއްދުމާއި، ސާރވޭ ކުރުމާއި، ލައިސަންސް ގައިޑްލައިން، ދުއްވުމުގެ އިމްތިހާން ފީލްޑް، މާވަޑި ސެޓްފިކެޓް މަޢުލޫމާތު، ފެރީ ޤަވާއިދާއި ސާރވޭ ގެ އެންމެހައި ކަންކަމަށް ކައުންސިލްތަކުން ފުވައްޒަފުން ތަމްރީން ކުރުމަށް ބޭއްވޭ ޕްރޮގްރާމެކެވެ. މި ތަމްރީން ޕްރޮގްރާމް ނިންމާ ކައުންސިލްތަކުގެ މުއައްޒަފުން ކައުންސިލްގެ މަސައްކަތާއި ހަވާލުވެލެއްވުމާއެކު ކަނޑުގައި ދުއްވާ އުޅަނދު ފަހަރާއި ގުޅޭ މަސައްކަތްތައް ކައުންސިލްތަކުން ދިނުމަށް ޓްރާންސްޕޯޓް އޮތޯރިޓީން ކަނޑައަޅާ ޙިދުމަތްތަކުގެ ތެރެއިން ލިބިގެން ދާނެއެވެ.
މިފަދަ ބޭނުންތެރި ޙިދުމަތްތައް ކައުންސިލްތަކުން ރައްޔިތުންނަށް ދިނުމަށް ތަމްރީންވެފައި ތިއްބެވި މުއައްޒަމުން ތިއްބެވުމަކީ ޙިދުމަތްހޯދާ ފަރާތަކަށްވެސް ލިބިގެންދާނެ ހިތްހަމަޖެހުމަކާއި ލުއިފަސޭހަ ކަމެކެވެ. އަދި ދުވަހަކަށްވުރެ ދުވަހެއް ދެމުންގެންދާ ޙިދުމަތްތަކުގެ ފެންވަރު ރަނގަޅުވެ ޙިދުމަތްހޯދާ ފަރާތްތަކުން ބަލަގަންނާނެ ފަދަ ހިދުމަތްތަކަކަށް ހެދުމަށް އެޅޭ ވަރަށް ރަނގަޅު ފިޔަވަޅެކެވެ.